عفى الله عن خطى غدر الخناجر

[الليث الابيض]

عفى الله عن خطى غدر الخناجر والضلوع طلال
بسامح وبتركك تحت الظلام الحالك ... لحالك
دخيلك وفر دموعك ترى هدر الدموع اذلال
وترا مافي احد يصبر مثل صبري بغربالك
انا عيب علي انقض كلامي والرجال افعال
واذا قلت بقطع احبالك تراني بقطع احبالك

[الليث الابيض]

عشان اكسب هدب عينك تجرعت العذاب اشكال
وليتك تراف بحالي عشان اراف بحالك
اسوي في حياتي شيئ لا يذكر ولا ينقال
حشي حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فنا جينك وتقصر عني ادلالك

[الليث الابيض]

تحملت التعب لاجلك وانا حملي يهد جبال
رحلت من العذاب وما وقفت الا على جالك
علامك كلما جيتك بتواضع جيتني تختال
معاك اليامتى بصبر وصبري معك يحلالك
مثل ما اقبلت لعيونك لزوم تردلي باقبال
ومثل ما قد حشمتك حس واحشم قلبي اشوالك

[الليث الابيض]

انا ماحد بجابرني اتابع معك هالمنوال
ترا ماني تبيعن لك ولاني باصغر عيالك
انا جيت اعشقك نبض ومشاعر ما اعشقك تمثال
انا جيت اسكنك واحياك وابقى فيك واحيالك
انا جيت بضمى عاشق تعب يطرد سراب اللال
انا جيت استفز رضاك من فرقاك والجالك

[الليث الابيض]

انا ما همت بك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما اخاف تلقي للزعل مدخال
اخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك

[الليث الابيض]

كان اللي خلق حسنك خلقني مع جسدك ظلال
وسرت اقبل جسد يمشى معك وقفاك وقبالك
ابي قلبك يحس انة فقد بمحبتة رجال
ملكتة من هدب عين وخسرت رضاة باهمالك
صحيح ان الفراق اقسي ولا كن الوصال محال
وان صعب علي ارضي غرورك واضغف قبالك

[الليث الابيض]

بعد ما حققت عيني في بعدك للرقال آمال
اعود للسهر يا خوي فال الله ولا فالك
ببدل نظرتك فيني واجيك كل يوم بحال
بكون اقرب من ثيابك عليك ولا تحياتك
بلمك واثرك واجمعك وارجع وانثرك باهمال
بخونك وازعلك وازعل منك وارضالك

[الليث الابيض]

ابرسم بالثرى وجهك وبدفن صورتك برمال
ابشكي للعرب فرقاك وبضحك عند عذالك
ابهديك الوصال فراق وبهديك الفراق وصال
بسوي مثل ما اشوفك تسوي وافعل افعالك
عشان تعرف من فينا الزعول ومن وسيع البال
ابيك تذوق فنجاني وانا بذوق فنجانك

[الليث الابيض]

نصيحة واحتقظ فيها قصر معك الزمن او طال
ابي تسمع كلامي زين وتحطة على بالك
اذا حبك هبال اطفال لك عندي هبال اطفال
لا ابشر بعد بهبال حب ماهو به بالك
واذا قصدك تهين اسمي عشان تشمت العذال
حشي لاانت ولا غيرك ولا عشرة من اشكالك

[الليث الابيض]

طلب احد الشباب مني استعراض الابيات التى احفظها


يحق لكم الاعتراض


الانها بالعامية الخليجية