هل من مجيب

[سبع الليل]

هل من مجيب

يامن بتقديرك يسود الأمن والراضه تسود=ياواسع المدات ياعالم بماهو في الوجود
سالك بغفرانك وعفوك والفرج يوم الشدود=يوم اللقاء والوعد يوم المسئله بين الشهود
صلوا على الهادي محمد عد حنات الرعود=وعداد ماهبّت نسائم خير مالها شي حدود
سلام عالصفراء رياض القلب فيها والخلود=يامسكن أحبابي ويامثوى النماره والأسود
شبام ياقُرّت عيوني يا ملاذي والبرود=انتي القديمه والجديده أمنا وأم الجدود
ذكرش موقّر في قلوب الناس مسبي في الكبود=مالش بدل مالش مثل مالش في الدنيا ندود
نادت ولبينا وما بعد الندى لازم نعود=نجبر بخاطرها نرد الجود للدمنه بجود
ماينتسي فضلش وجودش قط ولا منه جحود=ولا وفينا من جهودش والوفاء مهما نجود
ياهل الوفاء يا اهل المعزه يالرجاجيل الصمود=ياهل النفوذ الواسعه لما متى هذا الركود
لما متى ننظر ونسمع شي يحوش بالكبود= لما متى هذا التخاذل والتنافر والجمود
الدور يسحب والجدر تسحب وكل شامخ ينود=والماء مهوي والرضه توكل وتنخر كل عود
وسلام ثاني عالسباعي والغزيّل والبدود=وعلى الجروب الواسعه حيت المواسم والحصود
وسلام ثالث عالسدد واهل السدد لي هم قعود=وعلى الذي في السوق تلقي بيع واشرى بالنقود
هذي شبام العاليه ماهي السفوله والردود=من عزها عزته وتصعدبه الى القمه صعود
اما قليل الخير وأصحاب المصالح والحسود=ما لهم معزه عندها غير المذله والنكود
والختم صلوا عالنبي تعداد حنات الرعود= وعداد ماهبت نسائم خير ما لها شي حدود

[ابو نجود]

اقتباس : المشاركة الأصلية كتبت بواسطة سبع الليل [ مشاهدة المشاركة ]

هل من مجيب يامن بتقديرك يسود الأمن والراضه تسود=ياواسع المدات ياعالم بماهو في الوجود سالك بغفرانك وعفوك والفرج يوم الشدود=يوم اللقاء والوعد يوم المسئله بين الشهود صلوا على الهادي محمد عد حنات الرعود=وعداد ماهبّت نسائم خير مالها شي حدود سلام عالصفراء رياض القلب فيها والخلود=يامسكن أحبابي ويامثوى النماره والأسود شبام ياقُرّت عيوني يا ملاذي والبرود=انتي القديمه والجديده أمنا وأم الجدود ذكرش موقّر في قلوب الناس مسبي في الكبود=مالش بدل مالش مثل مالش في الدنيا ندود نادت ولبينا وما بعد الندى لازم نعود=نجبر بخاطرها نرد الجود للدمنه بجود ماينتسي فضلش وجودش قط ولا منه جحود=ولا وفينا من جهودش والوفاء مهما نجود ياهل الوفاء يا اهل المعزه يالرجاجيل الصمود=ياهل النفوذ الواسعه لما متى هذا الركود لما متى ننظر ونسمع شي يحوش بالكبود= لما متى هذا التخاذل والتنافر والجمود الدور يسحب والجدر تسحب وكل شامخ ينود=والماء مهوي والرضه توكل وتنخر كل عود وسلام ثاني عالسباعي والغزيّل والبدود=وعلى الجروب الواسعه حيت المواسم والحصود وسلام ثالث عالسدد واهل السدد لي هم قعود=وعلى الذي في السوق تلقي بيع واشرى بالنقود هذي شبام العاليه ماهي السفوله والردود=من عزها عزته وتصعدبه الى القمه صعود اما قليل الخير وأصحاب المصالح والحسود=ما لهم معزه عندها غير المذله والنكود والختم صلوا عالنبي تعداد حنات الرعود= وعداد ماهبت نسائم خير ما لها شي حدود

ابداع في ابداع اخي سبع الليل. قصيده رائعة والصفراء تستحق منا الكثير والكثير قولا فعلا. صح الله لسانك وجاد بيانك.
خالص الود والاحترام.

[سبع الليل]

اقتباس : المشاركة الأصلية كتبت بواسطة ابو نجود [ مشاهدة المشاركة ]

ابداع في ابداع اخي سبع الليل. قصيده رائعة والصفراء تستحق منا الكثير والكثير قولا فعلا. صح الله لسانك وجاد بيانك. خالص الود والاحترام.

بارك الله فيك يابونجود اصيل
ولك مني التحيه والأحترام يالنشمي
الف شكر لك