مساجله شعريه(القحطاني+المنتحي)

[المنتحي]

اخذالقلم يابو الجعود الطوالي=يابو الجعود الناسعات الطويله
يامنية القلب المولع بغالي=ياللي وصوفك بالظبا مستحيله
نوخ يراع الشعر بيدك بدالي=وخط البيوت الصافيات الجزيله
سجل حروفي ياغناتي ومالي=غضه طريه صافيه سلسبيله
للمنتحي قرم القروم المثالي=ابوفهد راعي العلوم الطويله
نسل الحروب الشامخين العوالي=اللي تشيل الواجبات الثقيله
يالمنتحي نبغى علوم الليالي=نبغى العلوم الشافيه والجميله
بالله خبر عن قروم الرجالي=اهلك وربعك كلهم والقبيله
واشرح لنا احوالك بتفصيل حالي=ياللي علومك بالمراجل مهيله
ياساكن ٍ بالمهد قصر المعالي=ويامتخذ للنصر صدقك وسيله
لاتحسب الفاني ولانته مبالي=تنفق ورب الناس يعطي بديله
انسى المواجع والامور الجلالي=وادمح خطا المخطي وربك وكيله
العيش يهنا لاغدى القلب سالي=والفكر خالي والمطالب قليله
يالمنتحي ياليت جوي صفالي=والوقت خلى لابن ناصر سبيله
واجيك عاني ياطويل الحبالي=يامكرم اضيافه ونجدة دخيله
ويارافع البيضاء على راس عالي=اعذر حروف ٍ في مقامك هزيله
واقبل سلامي ياوسع المجالي=والحب كله والورود الجميله

مع خالص الحب يابوفهد
اخوك محمدالناصر القحطاني

نخيت ذخري عزوتي وانتخالي =قلبي فهد ياكم يشفي غليله
هوغايتي والله وغالي حلالي=اخاف ياتي له من الوقت ميله
هات القلم يابوك واكتب مقالي=ابيات(ن)اجمل من ورودالخميله
يامرحبا اعداد وبل الخيالي=واعداد برق(ن)لاح وسط المخيله
واعداد مايصرف جنيه وريالي=واعداد ماشبوبرأس الفتيله
يامرحبا بك ميراول وتالي=يشاعر(ن)صاغ البيوت الاصيله
خطك لفاني ياكريم السبالي=فزيت واقف يوم بين دليله
قصيدت(ن)تشبه لعد(ن)زلالي=هداج والله مالقينا مثيله
من شاعر(ن)يرقى على كل عالي=زيزوم شال المعرفه ماتشيله
من ولدناصرصاحبي راس مالي=كالغيث ينفع كل ماسال سيله
ان كنت عني يامحمد تسألي=انااحمد الله واشكره والتجي له
حالي يسرك بامررب الجلالي=الواحد اللي مايخيب عميله
شلت الحمول العاتيات الثقالي=صابروفي قلبي هموم(ن)ثقيله
ان جيتني ياحي من هو عنالي=ابشر بسعد وكل صعب(ن)نزيله
في مجلس(ن)عامر بصفرالدلالي=راعيه والله مامشى بالفشيله
والمبخره بيد سيد العيالي=اللي لقلبي كم يشفي غليله
وختامها يامرحب اول وتالي=اعداد من لبى وزاد اتهليله

وتقبل صادق اخوتي وفائق احترامي

اخوك المنتحي

[علي فدعق الهاشمي]

المنتحـــــــــــــي

يشرفني ان اكون اولمن يطلع على هذه القصيده العــــــــذبه

صحححححححححح الله لسانك ولسان القحطـــــــــاني على هاالاِبـــــــــــداع الاجمل من روعـــــــــه

لاعدمناك دمت شامخ وعملاق في ميدان الشعــــــــــر

[المنتحي]

اقتباس : المشاركة الأصلية كتبت بواسطة الحامـــدي

المنتحـــــــــــــي يشرفني ان اكون اولمن يطلع على هذه القصيده العــــــــذبه صحححححححححح الله لسانك ولسان القحطـــــــــاني على هاالاِبـــــــــــداع الاجمل من روعـــــــــه لاعدمناك دمت شامخ وعملاق في ميدان الشعــــــــــر

وانا يسعدني تشريفك وحظورك اخي الحامدي

وصح بدنك والاجمل والاروع اطرائك اخي

الكريم ولااعدمك اناكذلك يالغلا

وتقبل صادق اخوتي وفائق احترامي

[طالب النعماني]

شكطرا لك اخي الكريم
نقل موفق وقصيده قمة الابداع

[المنتحي]

اقتباس : المشاركة الأصلية كتبت بواسطة طالب باتيس النعماني

شكطرا لك اخي الكريم نقل موفق وقصيده قمة الابداع

العفو اخوي طالب

القصيده موجهه لي

وقمت بالرد عليها

ولوكانت منقوله

لااشرت لااسم شاعرها

احترامي

[أميرة الوادي]

مساجلة رائعة من المنتحي والقحطاني. تبادلا فيها أعذب المشاعر بأجزل الألفاظ ، وهي من أجمل ما قرأت في المدح .
الموسيقى صافية تسيل عذبة بلا تكلف ، والروي (اللام ) كان سهلاً أعطى كلاً من الشاعرين نفساً طويلاً في القصيدة ، لولا هفوة يسيرة في الوزن عند القحطاني هنا:
(ابوفهد راعي العلـوم الطويلـه)
لا تحرمنا أخي المنتحي من وجودك بيننا ولا من نصحك للمبتدئين في الشعر، ونقدك لهم.