12-14-2006, 04:59 PM | #1 | |||||
شاعر السقيفه
|
((( من ملفات مجمــــــــل )))
(( العيش متعه معك ))
دنياء دنيـه بدونـك كيـف تحلالـي= وكيف تحلـى بدونـك هـذه الدنيـا = لاطيب للعيش لا منتـه علـى جالـي= شوفتـك والله ذي قلبـي بهـا يحيـا = حتى الصبر لانظرتك اطعمـه حالـي= لاقد نظرتك اهوجـس مرحبـا حيـا= خلك بجنبي كنان الـراس واظلالـي= واعطف على قلب ذي حبك عطف هيا = هيا تكلم وقـل حاجـات فـي بالـي= قل لي نصيبك وترك باقـي الاشيـاء= واسعد بعيشـه معـي فيمـا تبقالـي= فالعمر لحظـات دنيـاء مالهـا بقيـا= باقولهـا صـدق فـالاول وفالتـالـي= العيش متعه معـك فـي هـذه الدنيـا= (( الشـــــــــــــــــــــــــــــوق ))
يامالك الملك ياذي معتلي فـي سمـاه= وفق مجمل في الدنيـا وحقـق منـاه = بعد الحبايب كوا قلبـي بنـاره كـواه= لذكرتهم طار نومي من عيوني جفـاه = سلام مليون للـوادي سلامـي مـلاه= يبلغ لعربان ذي حلـوا بمخيـه عـلاه = وشوق للصاط شوقي لاشجاره ومـاه= لاهبت الصبح عليا جاتنـا مـن قـداه = اشم ريح الحبايب ذي يهب في هـواه= وحرك الشوق في قلبـي وزود عنـاه = وزاد همي في الغربـه ولاشـي بـداه= من السفر ياعرب والله ماشـي بـداه = والسوق فاتر وكلن مبتلـي فـي بـلاه= حد قد دخل سوق لسهم مالحق ذي يباه= مسكين ضيع شهر وسنين فيها شقـاه= وضيع المال ذي بيده مـن اول خبـاه = وصار يمشي في الشارع يزقـل يـداه= خايف من الفقر يوصل في سهن ذالغناه= يارب سترك علينا في امـور الحيـاه= وفق عبـادك ووفقنـا نقـوم الصـلاه = وعود لرضي معافـا مابغينـا سـواه= هذه عطيه كسب من خالقه قد عطـاه = والختم صلوا علـى مـن لانبيـاً وراه= محمد المصطفى ذي قص روس الطغاه= (( بغـــــــــــــــــــــــــــداد ))
انـا بمحنـه ماحصلـي مثلـهـا= انـا فريسـه للنمـاره والقـرود = انا بورطـه ماقـدر فـي حلهـا= كلاب تنهش في رجولي والعضود= انا العزيـزه ذي خذلهـا اهلهـا= انا ضحيـه للنصـارى واليهـود = زواج متعـه شرعنـا ماحلـهـا= اهلي واعمامي على عقدي شهـود= ماحد نشـد منـي وقالـوا خلهـا= كلاً يـدور عالمصالـح والنقـود = نسيوا بانـي كـل ثقيلـه شلهـا= انا الذي كل حيد من فعلـي ينـود= انا الاصيله تفتخـر فـي اصلهـا= اصول عربيه على عين الحسـود = والله بصبـر عالمشاكـل كلـهـا= مهما حصل ذاليوم من غربان سود= ياربنا بغـداد تشكـو مـن لهـا= ذا ذي حصلي والعرب جنبي رقود= ياخالـق الثقليـن بيـدك حلـهـا= فرج همومـي يامهيمـن يـاودود = (( اعشق بلادي ))
القلب متولع بارضـي مانسـي =مسكين هـذا القلـب ماينسـى دايم على بالي شجرها والشعاب =اعشق بلادي هل في هذا عتاب عيشه بغير ارضي فؤادي ماهني =كـل مابعـد مسكيـن مايهنـاء البعد عن لوطان هو اكبر عذاب =اعشق بلادي هل في هذا عتاب من عاش من منبع بلاده يحتسي =في صبحها يمرح ويسعد بالمساء مهما بعد عنها يفكـر فالايـاب =اعشق بلادي هل في هذا عتاب العشق في دمي كبر هذا معـي =عشقي كعشق النحـل للمجنـاء حب اليمن فالقلب بايألف كتـاب =اعشق بلادي هل في هذا عتاب (( حضرمــــــــــــــــــوت ))
ياحضرموت العـز انتـي امنـا= ياأمنا موقعك في وسـط القلـوب = ياتاج فوق الراس انتـي عندنـا= الخير كله فيـك يـا ام الجنـوب = نفخر بكل مافيك انتـي ارضنـا= وأتفاخري بأبناك مابين الشعـوب= والله ان عزك صبح مـن عزنـا= لاعيب في شعبك ولا فيك العيوب = نحنا في الغربه بأسمـك وأسمنـا= اسم الحضارم اسم لايمكن يـذوب = لاجلك وفي شأنك تحملنـا العنـا= ياأسم غالي ياعسل في جبح نوب = أمآآآه شي مخرج من الغربه لنـا= لما متى قد روس اولادك شيـوب= قد طالت المـده وطـول بعدنـا= بعدك لقا فالقلب لي عشرين صوب = (( شــــــــــــــــــــبام ))
باحاول اتغنى في الصفـراء شبـام= بالشعر بوصفها لكـم حتـى قليـل = هي درة من طين في لـون الجهـام= حسناء وسط وادي بمنظرها الجميل= فـي شكـل بدويـه يزينهـا اللثـام= في كبرياء المهره من النسل الاصيل = محشومة المظهرفي اللبـس التمـام= عينـاك تتبعهـا ولا تبغـى تميـل = هي جوهره كل من عشقهـا مايـلام= هي كنز فالوادي من الـزام الدويـل = هي امنـا هـي العزيـزه فالمقـام= هي الحبيبـه ذي مقابلهـا السحيـل= متزينه دايـم لنـا فـي كـل عـام= يالله عسى الصفراء لها العمر الطويل = هذا العجوز المعجزه تدعـى شبـام= ماحد يعتب فـي نسبهـا مستحيـل = عاجـز ولابقـدر وصفهـا بالكـلام= خايف في الميزان شي كفـه تميـل= سلام لك مليون مـن قلبـي سـلام= سـلام يـادار المـروه والجمـيـل = (( ســـــــــــــــــــــــــده ))
يامسقـط الـراس ياسـده =حبك بقلبـي وفـي دمـي والله لاحــد يخـيـرنـي =ودي حلالـي انـا ســده وأن كـان طولـت فالمـده =ماهـي بخيـره ولاذنبـي البعـد عـنـك يعذبـنـي =والشوق مقدر على صـده زلزل كياني فقـط وحـده =ماعرفت ممساي من صبحي الحـب هــذا تملكـنـي =والله مانـام مــن بـعـده سارة صداقه مـع القهـده =والهـم ايـظـاً تولعـبـي صورتك ذي مـا تفارقنـي =وقت الرخاء وانهـا شـده الله محسنـك مـن بـلـده =باقولها صـدق مـن قلبـي سـلام مليـون لـك منـي =يامسقـط الـراس ياسـده (( لحظة غـــــــــــــــــروب ))
ماتنتسي لحظه صفاء وقت الغـروب =وانته على الشاطئ وهب ذاك الهبوب
هب الهواء بحري نقي يشفي القلوب =من عاش ذاللحظه سعد طول الزمان جلسه على الشاطئ تقع وقت المغيب =ومتعـة الجلسـه اذانتـه والحبيـب لالـوم فـي هـذا ولا هـذا معيـب =تتبادلون الـراي فـي هـذا المكـان والطير يتراقـص يسـارك واليميـن =والمـوج متعاطـف ويتلاطـم بليـن من شان لاتوصلك شي نطشه بطيـن =ايش المـوده بينكـم هـي والحنـان متع قليبك في هـواء صافـي نقـي =وانته على الشاطي مع الوجه الرضي لحظـات ذهبيـه اظـن ماتنتـسـي =فرصتك قبل الشيب في راسك يبـان |
|||||
التعديل الأخير تم بواسطة مجمل ; 12-14-2006 الساعة 05:04 PM |
||||||
12-14-2006, 05:29 PM | #2 | |||||||
مشرف سقيفة عذب القوافي
|
ياسلالالام عليك بابوعبدالله
لله درك على ماتقدم الزين مايجب الا الزين وحياك الله وتسلم وكلك ذووووق بيض الله وجهك دمت بود |
|||||||
12-14-2006, 05:31 PM | #3 | |||||
حال جديد
|
صح الله لسااااااااانك ميلاييين ومايكفونك يالغالي
سجلني احد معجبين اشعارك الرائعه يارائع اخوك / شاعر |
|||||
12-14-2006, 08:17 PM | #4 | |||||
حال متالّق
|
لله درك يابوعبدالله
قصائدجميله وبليغه نتمنى ان نقرأ لك المزيد من القصائد الرائعه ولك الشكر والتقدير |
|||||
12-14-2006, 09:15 PM | #5 | |||||
شاعر السقيفه
|
تسلم يابوعبده على الذرر المتتابعه
وعشت يابوعبدالله شاعرا متالقا |
|||||
12-14-2006, 10:58 PM | #6 | |||||||
حال نشيط
|
تسلم يابوعبداللة على القصايد الرايعة جداً والتي تمثل فيها حبك لبلدك ولبلاد المسلمين جميعاً....
صح اللة لسانك وعلا شانك... دمت بكل ود اميــــ العاشقين ــــر |
|||||||
12-16-2006, 10:52 AM | #7 | |||||
حال جديد
|
الــمــبــدع
مــجــمـــل . . حــضـــور يــشــبـــه الــمـــطـــر وتـــواجـــدك عـــــذب وروعـــه تــجـــلـــت فــي هـــذه الــقــصـــائــــد ا ســجـــل اعــجـــابـــي ومـــتـــابــعـــتـــي . . فــائــق تــقـــديـــري واحــتـــرامـــي |
|||||
12-16-2006, 03:27 PM | #8 | ||||||||
ابوراضي
|
ماشالله عليك يابوعبدالله
لقد نورت السقيفه باجمل القصائد |
||||||||
12-16-2006, 05:43 PM | #9 | |||||
حال نشيط
|
لا فض فوك كلام منقح يابو عبدالله . جد بمثل هذه الدرر , درر بحق
دمت مبدعا وتقبل تحياتي الراعــــــــــــــــــــي |
|||||
12-18-2006, 04:00 AM | #10 | |||||
شاعر السقيفه
|
كل الود والاحترام للاخوه الكرام
الذي مروا هنا وعقبوا بالكلمات الطيبه شهاده اعتز بها ولكم الشكر |
|||||
مواقع النشر (المفضلة) |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
محمد علي أحمد يبشر صالح بـ7 ملفات جرائم تنتظره بمحكمة الجنايات الدولية ويدعوه لالتماس | حد من الوادي | سقيفة الأخبار السياسيه | 0 | 05-13-2011 01:53 AM |
سبعة برامج في برنامج واحد (لتحرير والتحكم في ملفات الصوت)شاهد بالصور | د فيروزة فلسطين | سقيفة البرامج وصيانة الحاسب | 1 | 04-02-2011 09:45 PM |
برنامج Flash Decompiler Gold v2.3.1.1380 سحب ملفات الصوت والفيديو من ملفات الفلاش | همسات الامل | سقيفة البرامج وصيانة الحاسب | 0 | 12-29-2010 05:02 PM |
حديث مضاد الفيروسات و ملفات التجسس Dr.Web Antivirus v6.0.1004 | همسات الامل | سقيفة الجوال | 0 | 10-27-2010 04:07 PM |
|