عمر الذيب والعبره

[عمر الذيب]

السلام عليكم ورحمة الله وبركاته

كتبت هذه القصيده عام(( 2004))في مناسبه خاصه واهديت الى شخص عزيز
واليوم وانا اتصفح اوراقي القديمه وقعت بين يدي هذه القصيده ورايت ان انشرها
عبر السقيفه
وارجو ان تنال اعجابكم وان تقراوا مابين السطور.............

سميت ولساني بنيه بسملت =وتحرك الخفاق لي بين الجبوح
وتقلدت بيبان واخرى تفتحت = بيبان منها المسك والعنبر يفوح
وجاتني اخبار من قوم غزت = فيها دواء العظمان لي كانت نجوح
اخبار من هينن اكيد اتاكدت = من ال سحاق اللي يداوون الجروح
من قوم قطاعه غليظه لا كوت = صب وقفها واضح لمن راد الوضوح
من قوم في هينن تعنت واعتنت = واسند لها خير الرجاجيل النشوح
من نهد والصيعر الوف اتجمعت = لا شلها مارب ولا وادي شحوح
ونهد والصيعر متى ماتوحدت =ما راح با يرجع معدشي بايروح
وحدهم الواجب وهينن رحبت = وتقول ياحيا برميان الرموح
رميان معروفه متى ماتبرعت = اخصومها تمسي نوايحها تنوح
مايوم قد زلت ولا قد اتعثرت = وان زلو العوجان ردتهم سموح
كا الغيث لادلهم وبرقت وارعدت= يسقي شناف المال مره والطفوح
وان غاث على وادي صحابه غيرت= صبحه من هينن غبش طوفان نوح
طوفان يا حافظ سيوله بينت = والزوع قد بيت يرقل با السفوح
وان شي طرق والا دروب اتقطعت = حلانها منه غبش صبحو نزوح
طوفان مضمونه جيوش اتحركت = ذكرني الماضي وايام الفتوح
ماجا على غفله رجاله صبحت =تزحف شروق الشمس والبندق يدوح
عسكره وجنوده على الموت اقسمت = عا من طغاء في ارض مافيها بيوح
ما بترجع للخلف لاما تقدمت =قدام تحميها لبيبات القروح
ربيت كتابيها على خذها وهت = ورجالها تعرف لرياش الجنوح
واليوم عاحد الخصوم اتمركزت = وطموح مامثله في الدنيا طموح
في ساعة البرهان هينن برهنت = شهدولها كنده ومره والسموح
وتقول ان شئ حق والا تعكست = ياروح مابعدش نهار الموت روح
واستسلم الطاغي جماله قرقرت = يوم شاف بارقها قبل عينه يلوح
والضايعه من حيث ماسرحت ظوت = وصبحت هينن غبش قبل السروح
ماهو بشئ حيله ولا لعبة ثبت = برصاص بوشبه بعيدات الميوح
قصه حقيقيه على خير انتهت = مضمونها عبره وكل صكه ولوح

[أحمد العمودي أبوفيصل]

الشاعر المبدع دائم مبدع
كفيت ووفيت ياشاعر الصحراء والوادي

[مجمل]

احسنت واحسن الله اليك يابوطارق اعطنا من طعم الرايه له ذوق خاص
بارك الله فيك لك مليون تحيه من وانزووو شمال الصين

[عمر الذيب]

الاخ مجمل اشكرك على اهتمامك بما اكتب
اما من ناحية طعم الرايه فهناك شريط جديد سانشره اليوم ان شاء الله كاملا
في السقيفه اليوم او غدا واليك بيتين منه = ليه يا الموت شليت النماره وضرغام=
ليه مارحت للدرزي وفتفت وخدام = يحزن القلب يا ما به على موت صدام =
تقبل تحياتي ابو طارق
عمر الذيب

[النحوي]

تسلم ياابوطارق

[علي فدعق الهاشمي]

تسلم يالذيب يااستاذ الذوووق كله

ابيات رائعه من رائع

صح الله لسانكـــــــــــــــــ

لاعدمناااااك

[عمر الذيب]

النحوي لك جزيل الشكر على مرورك الدايم
على مواضيعي هذا اولا وثانيا سنلتقي يوما ما باذن الله
لك ا لتحيه
ابو طارق

[عمر الذيب]

الاخ علي فدعق الهاشمي
كل شي زين بامثالك يكتمل
لك شكري وتقديري
عمر الذيب

[عمر الذيب]

الغازي = 2007 = لك كل التقدير على هذا التشجيع
واشكرك على اللقب وافتخر به كثيرا
لك التحيه ابو طارق

[أميرة الوادي]

نعم ما خطت أناملك أيها الشاعر المبدع

وأنا على الرغم من عدم معرفتي بظروف كتابة القصيدة إلا أنني تأثرت بما بدا فيها من حماسة

وتأييد للوحدة والترابط ،

وهذا البيت سيظل في ذهني طويلاً :

ونهد والصيعـر متـى ماتوحـدت=ما راح با يرجع معدشـي بايـروح

ونسأل الله أن يلهمك مزيداً من الروائع.