زامل جديد بدر النهدى

[بدر النهدى]

الليله الغازى على العاده هجم = لله دره جابها قشعه وديم
والذيب لى قد كان يوكل فى الغنم = خلاه يعوى تالى الليل الظليم
خلا له القردان وامات الحلم = وانته فهمها بلاشاره ياحليم
والسيف بوحدين ماليوم انقسم = فى المعركه بين السويدى والنسيم
والمشكله ياللى تمصون العجم = لابايقع شفره ولايصلح شريم
والحمد لله يوم خلق الله سلم = ان قفلة بالشيش وانه بالسليم
سلام يالصفراء على روس القمم = وسلام ياسيئون والغنا تريم

من شروط الرد الوزن والمعنى وعدم تكرار القافيه ( الربط )

[طالب النعماني]

يامرحبا ذي هو يفرج كل هم=قول مثيل السيل في الوادي هميم
عالدان والزامل يصدرها حكم=حكيم في هرجه وفي قوله حكيم

[أحمد العمودي أبوفيصل]

خلك من أقوالك وخلك في الاهم = خلك في بحر المكلا الظليم
نور السويدي اليوم قد شعشع وعم = نور على دربي وأفهم يافهيم
قد كان في عندل عندي العشم = وغطا عليه السيل لي اصله هميم

[سالم عوض باجخيف]

زامل رائع يالنهدي

[ابو يوسف بن شحبل]

مرحيب بالنهدي أبو نايف نهم=ونعم به رجال يفهمها فهيم
دار المعارف من زمن عنده قلم=والقوافي دوب يقلمها قليم
الزمن دوّار غيّب كم علم=وكم مركب في غببها ياعليم



تقبل مني المشاركة البسيطة

عسى إن تحوز على رضاكم

أخيكم
ابويوسف بن شحبل

[القنّاص]

خطك بدا كوفي ونا بيدي قلم = من ذهب بكتب لاجلك يازعيم
لاضاعت الفرصه مافاد الندم = مايفيد تعقلها ولاينفع نديم
سلام من عندي ياحيد النشم = يابدر به عالم وقصدي به عليم

[علي بن طالب الحامد]

اقتباس : المشاركة الأصلية كتبت بواسطة بدر النهدى

الليله الغازى على العاده هجم = لله دره جابها قشعه وديم والذيب لى قد كان يوكل فى الغنم = خلاه يعوى تالى الليل الظليم خلا له القردان وامات الحلم = وانته فهمها بلاشاره ياحليم والسيف بوحدين ماليوم انقسم = فى المعركه بين السويدى والنسيم والمشكله ياللى تمصون العجم = لابايقع شفره ولايصلح شريم والحمد لله يوم خلق الله سلم = ان قفلة بالشيش وانه بالسليم سلام يالصفراء على روس القمم = وسلام ياسيئون والغنا تريم من شروط الرد الوزن والمعنى وعدم تكرار القافيه ( الربط )

بحره لطم مالذيب شف بحره لطم=كمين شاعر بايسد خده لطيم
ذلا محاذر حسب ضني مانهم=سرحان مايعوي وهو ينهم نهيم
ابيات محكومه تصم الرأس صم=ومن وقع في اثمه بايلقيه صيم