قصيده للبنات الراغبات بالزواج

[الشبامية]

لاتحسبين العرس توفـي وكتكـات
ولا تحسبينه توكـس والا باونتـي
ولا تحسبين العرس كيكة وطرطات
وصلة قطعتيهـا ووصلـة أكلتـي
ولاتحسبين العرس تصفيق واصوات
وانتي على صوت الغطاريف همتي
ولاتحسبين العرس كوشة ولمبـات
وانتي كما الطاووس فيهـا جلستـي
ولاتحسبين العرس احلام في الشات
يامـا بنيتيـهـا ويـامـا هدمـتـي
ولا تحسبين العرس روحة وجيـات
هيا اقضبي بيتك عسـى مانهبلتـي
ليلة سعيدة وانتي أحلى الجميـلات
تشخص عيون الناس اذا حضرتـي
(واللاينر)حطيـه بـلا زيــادات
لا يخـرب المكيـاج اذا دمعـتـي
(والمسكرة)تحتاج لطف ومـدارات
حتـى يبـان الزيـن اذا غمضتـي
(والاسبريه )رشيه حتى البصيـلات
يمسك شعرك زين ولو كان زدتـي
وترى(المحدد)فن يحتـاج رسمـات
يبـان رسمـه زيـن اذا ابتسمتـي
ترا العرس يابنية ماهـو شعـارات
تفنـى مراسيمـه وتبقيـن انـتـي
ويبقى شريك العمر راعي الطويلات
هذا هو العرس الحقيقـي عرفتـي؟
اول نصيحة لك حفـظ الصلـوات
صلي العشا والفجر في كل وقتـي
وفي ليلة العرس الموفق وبالـذات
ادعـي الكـريـم الله اذاسجـدتـي
والعاري لاترضين عند الكوفيـرات
ولبسـك يملـي العيـن اذا لبستـي
واللي على زوجك تحرضك مرات
ارجـوك شوتيهـا شوتـت بلنتـي
والصبر في العشرة حتى على فتات
ياماحـلا فعلتـك يومـك صبرتـي
واذا حفظت السر مـع المـدارات
زوجك ترى في عيونه انت كبـرت
والسوق يعني هاه وقت الضرورات
والاتـرى زوجـك يـدور لمفتـي
زيدي الغطاية وكثري في العبايـات
والله يرضـى عنـك اذا ستـرتـي
اوصيك بالكبسـة وكثـر اليدامـات
حتى لوانـك مـن سببهـا متنتـي
وخلي الرجيم اللي فشل فـي مـرا
تسويـه مـرة واحـدة لا ولدتـي
اوراق شاعره ترسل ازكى التحيات
خصيهـا بالـدعـوة اذا دعـوتـي






منقول

[آمال]

ايه البنات يحسبون الزواج فسحة وتمشية ودلع

وما يدرون انه مسئولية وتعب خصوصا مع الأولاد الا يصير معاناة

لكن كله بأجره

عسى الله يأجرنا على التعب

[الشبامية]

يسمع منك ربنااختى اّمال

تشرفت بمرورك