مشاركه من سبع الليل لمطلع شبام

[سبع الليل]

سمعت انا أقوال من صالح ربيع مزلزله=خلت عباد الله في كل البقاع مزلزلين
خفف شوي يابو ربيع القلوب محمله=من يوم قمنا باالمشاكل والبلاوي محملين
نحن بغينا الستر مانبغاء الفخر والديوله=جهالنا ذا الوقت وقلال الشرف مديولين
لكنهم مثل الكلاب تمشي لسنها مدلدله=وحنا الضحيه كلنا في بير عوراء مدلدلين
ماحد يشط فينا وخلونا شبيه المتفله=كل الدول عمرت ونحن في بلدنا متفلين
يلعبنا طوفانهم من مرحله الي مرحله=خايف يجينا يوم من داخل شبام مرحلين
لو جبت باتنظر الي أشياء كثيره مذهله=بتخلي العقال ذي هم شاهدوهامذهلين
نحنا بلينا في أوادم فاشله ومبدله=من يوم ماقالوا ألما اليوم هذا مبدلين
أما شقيه مثل ناقه بن حمود معقله=وحلانها مثل الركاب الجافله ومعقلين
والكهرباء تبغا لها دغشت فلوس مذبله=حتى شقاء العمال قالوا لي ثلاثه مذبلين
من فين نعطيهم وأنا بشكي ظروفي مدحمله=نسرح وسط مقلب بهمتنا ونضوي مدحملين
وألاسكان لي منه الرخص قالوا رخصنا مقفله=وأن مامعك عدي لنا لاتجي قدينا مقفلين
قلنا لهم هذا غلط ياأصحاب ماهي مرجله=لكنهم دايم على أفعال الغلط مترجلين
هذه شبام العاليه مااليوم قدها مغلغله=مثل السفينه وسط غبه أهلها متغلغلين
البغض فينا والحسد يسري حباله مطوله=وأهل الفتن والسحر وألاعمال الخبيثه مطولين
شبام ملعوبه كم من شاب رجيله مشلله=ومن بين العوايل وأسر تلقي ثلاثه مشللين
فوق السدد يصري مع نفسه وملقي هذوله=السحر يلعب به ولي في الدار مثله مهذولين
الله ينصف في الذي هم سببوله عرقله=ماحد سواهم لي يلقون الصروف معرقلين
عوذ من الشيطان وتحصن بذكر البسمله=تفسد طلاسمهم ولا يقدرون عاالمتبسملين
كفار ملعونين حتى في المصاحف لوله=ألانجيل والتوراه لي متنزله عا ألاولين
وفي زبور داؤد وفي القران أيه مرسله=على النبي المختار خاتم لنبيا والمرسلين

;bounc ;bounc

[شيخ القبايل.]

صح لسانك يالسبع

[الحضرميـــــــــــه]

اللهم اصلح حكامنا واحفظ اوطاننا0
صح لسانك اخي الكريم سبع على هالكلمات الرائعه0
لاعدمتك اخا0

[المدودي]

لا فض فوك و لاعاش من يهجوك
و صح لسانك يا سبع الليل

[بالليث]

صح السانك وجزاك الله خيرا فعلا ان هذه الابيات أن دلت على شي انما تدل على معاناة اهلنا وجدودنا من هذا الزمان الردي الذي ماكانوا متوقعينه ,,,,

حسبنا الله ونعم الوكيل ,,

واكرر شكري وتقديري للسبع على النشر

[سبع الليل]

شكرا جزيلا لجميع الاخوان على هذا التواضع والثنى وهذا يدل علىاهتمامكم وحرصكم ويشجيعكم لجميع المشاركين في هذا المجال العظيم والف شكر للجميع

[الشبامي]

كلمات رائعه من سبع الليل الأروع !!
صح لسانك يامبدع
وبودنا ان نراك تصول وتجول في احد مطالع الصفراء القادمه
وبأنتظار المزيد

[طالب النعماني]

صح لسانك
لاعدمناك اخا