مسعود ومسعده

[عمر الذيب]

مبعد مرادي والمخيله مبعده=لكن راعدها يدم راس القنيف
يحطى من البارح نواحي محمده=والنزل ماندري قوي والا خفيف
ومن سالته ما يرد المفرده=ولا يخبر ايش لي حاصل بصيف
يقولو ان مسعود ظالم مسعده=ما طاعو ايسدو يظلو ديف ديف
وهي عليه اليوم تنفر محقده=وتقول مبغيته ابا عبد اللطيف
لي كنت في زامه بكل شي معنقده=بالقرط والخشفه وبالثوب النظيف
وكان له هيبه ومن زل يطرده=ولا يداني القطب في السوم الرهيف
وفيه عزة نفس كلن يحسده=وكان قاسي جم لكنه شريف
حتى مع الجيران كل شي جمده=ماطاع يتنازل عن امات الخريف
وان حد لقاله شعر شعره يكرده=وان حد تقبعس تو لطمله في الصنيف
والعدل بين ابناه اول مقصده=ما تعرف الضابط من الليهو عريف
ما هو كما يسلم تركني مجرده=بين الكلاب السود في الشعب المخيف
وفتح البيبان ليهي مؤصده=كل من بغى شي لقاه في نخل الكريف
وابن عمه لي ربي عالعربده=سيطر في النخله على كربها وليف
واشوار اهل الدار ما هي موحده=ما منهم واحد على الثاني كليف
ما ريضو البراد فوق المركده=والظلم حل بالضيف في دار المضيف
وبداء يسن منشار قطعه مبرده=وفي الشجار الخضر بايحسف حسيف
ما با يتمي نيم فوق المنضده=من ثورة المظلوم لطفك يالطيف
وحسب ظني والامور مؤكده=ان السبب يسلم وموقفه الضعيف

[علي بن ماضي]

الاخ الشاعر (محضار وادي عمد )عمر سالم الذيب
قصيده جميله تحكي وضع مسعد ومسعده الذي يزداد سؤء
تضل ممن يتاثر بما حوله في كافه الامور
وتضل مبدع وبارع يعطيك العافيه
مايتمي نيم فوق المنضده = من ثورة المضلوم لطفك يالطيف
المضلوم حتى دعوته تقبل
تقبل احترامي وتقديري
علي بن ماضي

[مبروك بن ماضي]

شاعرنا القدير/ عمر الذيب

صح لسانك وعلا شانك

قصيده عانقت السحاب بروعتها . .

دمت بهذا الحضور وهذه الشاعريه.

تقبل فائق التقدير والاحترام

[بونواس]

اخي وحبيبي ابو طارق هكذا انت مبدع وماتالق وقادر على اللعب في اي موقع تكون فيه كما انك تحب دايما في موقع راس حربه وهذا الموقع انت جدير به ومتمكن
فيه ومااقول الا الله يطول في عمرك ويبارك في شاعريتك تقبل كل احترامي
وتقديري لشخصك الكريم

[أحمد العمودي أبوفيصل]

شاعرنا المبدع عمر الذيب
قصيده من أجمل القصائد الذي قرأت لك
تقبل تحياتي وسجل حضوري ودمت بود

[مجمل]

في الصميييييييييييييييييييييييييييييييييييييييييييييي ييييييييييييم يابوطارق
ابدااااااااااااااااااااااااااااااااااااااااااااااا ااااااااااااااااااااااااااع
تحياتي

[سبع الليل]

لله هدرك يابوطارق كلام في صميم الواقع
تسلم يالنشمي تقبل مروري واحترامي

[الميزر]

ياسيدي عبد اللطف اللى تقول عليه مات الله يرحمه ونحن الان نريد جيل ما بعد عبد اللطيف وما نريد مسعد ولا عياله الله يفكنا منهم

[الهامه]

مبعـد مـرادي والمخيلـه مبـعـده لكـن راعدهـا يـدم راس القنيـف

يحطى من البـارح نواحـي محمـده والنزل مانـدري قـوي والا خفيـف

الله يستر من فعال الشرذمه و كل حرامي مشرد والله يخيف

مايبون السترسوى والمرجله والنزل ماندري قوي والاخفيف

[علي فدعق الهاشمي]

الله الله عليك ياسسسلام على الشعر الصح صح الله لسانك وعلاشانك دائم متألق ياشاعرنا العزيز دمت ودام عزك