تسألني علامك ؟؟؟؟؟

[كنت شاعره]

جات تسألني علامك غارقه بين الدمـــــوع

ليه هالعبره فـ صوتك ليه نظراتك حزينه

ليه بسماتك توارت وانطفت معها الشموع

ليه ضحكاتك تلاشت ...صارت بجوفك رهينه

قلت يا أخت غلاها ساكن{ن} بين الضلوع

جامعه كل المحاسن..طيّبة روح ورزينه

من عرفها يشهـد إنها راقيه بحسن الطبوع

ذوق{ن} ورقه وتواضع تأسر القلب وحنينه

تسأليني عن دموعي؟؟؟ مابقى فيني دموع

تسأليني عن جروحي؟؟؟ صارت أحزاني مدينه

تسأليني عن طموحي؟؟؟ سافر بليا رجوع

تسأليني عن مزوحي؟؟؟ انتهى الفرح وسنينه

بس باقيلي سؤال{ن} ياكل أفراحي ويجوع

ليه كل ماجيت بفرح ألقى ضحكاتي سجينه

ليه كل مالشمس تشرق تختفي قبل الطلوع

ليه هالدنيا ظلام{ن} دامس{ن} مابه سكينه

ليه صار الظن نهر{ن} نابع{ن} فينا نبوع

ليه داخلنا غموض...ليه صار الشك فينا

ليه زيفنا المشاعر والصدق ماله ذيوع

ليه بدلنا المحبه كره{ن} وحقد وغبينه

بس أنا ما اقبل إهانه لا....ولا أقبل خضوع

بنت رجّال{ن} إذا اقبل بانت الشمس بجبينه

لا لفى كل الخلايـــق تتجه صوبه جــموع

وإن حكى كن الجواهر تنتثر من بين ايدينه

يشهد العالم بجوده ذايع{ن} صيته ذيوع

الكرم ويا الشهامه قادهم مثل السفينه

من جذور الجد الأول معتلي لين الفروع

من طباعه اكتسبت الطيب وأوصاف{ن} رزينه

من شموخ البدو فيني عز وأفعال وطبوع

والحضاره اكسبتني ذوق{ن} ورقه وسكينه

طيبتي لو وزعوها يغمـر العالم خشــوع

تنتهي كل المآسي لا حروب ولا ضغينه

همتي فوق السحايب...نجمي دايم في سطــوع

الصدق فيني علامه والوفا ساحل ومينا

مارضت نفسي دروب الميل وأحوال الميوع

حافظه لكتاب ربي فاهمه نهجه ودينه

دايم أرقى للمعالي ماتعبت من الطلوع

والمعالي تفتخر بي والمجد أسكن بعينه

بس يجرحني سؤال{ن} حاير{ن} بين الدموع

ياترى أنسى مكان{ن} خلّى أحزاني مدينه

وأتركه وأحمل جروحي وأرحل بليا رجوع

أو أسامح من جرحني واكتم أحــزاني الدفينه

وأمسح دموعي بإيدي وأشعل آلامي شمــوع

واتجاهل من يحاول يطمس الشمــس بيمينه

وسلامتكم......

[صالح باعمران ابو زايد]

نص جميل وراااااااااقي
احييك على هذا لابداع و التميز
لك مني اجمل تحية
اخوك صالح باعمران

[خالد بن مهنا]

جميل جدأ ياصدى الوجدان..لكلمات في الوجدان صدى,,يعطيك الف الف عافيه,,
اخيك:خالد بن مهنا

[دمعة]

الله الله على هذه الكلمات ال الامام دائما
تحياتي

[أهوى حريضه]

الله الله على الابداااع...
يسلمووو...

تقبل مروري ...

[كنت شاعره]

أخوتي الأفاضل أشكر لكم مروركم الطيب والعطر

تقبلوا تحياتي

ودمتم بــــود ........

[بنت المكلا]

يسلموووووو صدوده والله يابنت شاعره وفالك البيرق

عشتي وعاش قلمك ويسعدك ربي

[كنت شاعره]

أختي بنت المكلا

يسعدني مرورك على متصفحي

تقبّلي مروري

ودمتي بــود.......

[سالم السقاف]

بس أنا ما اقبل إهانه لا....ولا أقبل خضوع

بنت رجّال{ن} إذا اقبل بانت الشمس بجبينه

لا لفى كل الخلايـــق تتجه صوبه جــموع

وإن حكى كن الجواهر تنتثر من بين ايدينه


والنعم في بنت الرجال ,,,

سجلي اعجابي المتجدد بنصوصك صدى الوجدان

[كنت شاعره]

اقتباس : المشاركة الأصلية كتبت بواسطة سالم السقاف [ مشاهدة المشاركة ]

بس أنا ما اقبل إهانه لا....ولا أقبل خضوع بنت رجّال{ن} إذا اقبل بانت الشمس بجبينه لا لفى كل الخلايـــق تتجه صوبه جــموع وإن حكى كن الجواهر تنتثر من بين ايدينه والنعم في بنت الرجال ,,, سجلي اعجابي المتجدد بنصوصك صدى الوجدان

والنعم فيك أخوي الكريم
أشكرك أخي على المرور الراقي
تقبّل تحياتي
ودمت بـــود ......