مساجله لبن عكعوك

[بن غانم من بوظبي]

الشاعر الكبير يسلم بن عكعوك بن غانم
**************
يـا عيـون المكـلا كيـف حـال المكـلا
عبـر عينيـك باسجـل تحيـات لديـس
يا عيـون المكـلا بيـن روكـب وحـلا
قلب يسلم تضيـع بيـن عبلـه وبلقيـس
يـا عيـون المكـلا يـم عينيـن كحـلا
ذوبنـي رموشـك والعيـون النواعيـس
خبرينـي صراحـه ايـه البنـت الاحـلا
شكلهن ماعترفلـي ماعرفـت المقاييـس
اعمليلي جماله والقطـي ذي هـي اشـلا
وافحصيها بدقه مـن جميـع الاحاسيـس
ون لقطي لي الحلوه هـلا فيـش واهـلا
يا عيون المكلا بمنحـش مرتبـة رئيـس
وابشري بالوظيفه بين الاسفـل والاعـلا
ومن حقول المسيلـه بانمليلـش الكيـس
وعمري لش في الليلـه وافرشيهـا بـزلا
والبسيلش مشجر مثل ريـش الطواويـس
فيش عندي ثقه وانتـي رويـده ومهـلا
لاتخليـن بـو صالـح لشلـه مناحيـس
واحفضيلـي عناقيـد العـنـب لا تــدلا
يقطفنـه ثعالـب والسـرق والجواسيـس
نـا وياكـم صداقـه والنـبـي ماتـخـلا
منكـم يالحبيبـه لـو بدربـي دبابـيـس
الصراحه صراحـه كنـت مغـرم بهبـلا
لاتذكرتهـا ليـلـي يبـيـت كوابـيـس
هـي جميلـه ولكـن طبـع فيهـا تسـلا
بنت مـزواج ماقنعـت بستـت معاريـس
وان تبى ولد بـن عكعـوك لـول تخـلا
عن محبينها ذي فـي الغبـا والدهاليـس
لاتفقنا مـع اهلـك بدفـع المهـر دبـلا
بالريال السعودي خل القروش المفاليـس
وياضبى الديس والبقرين اهـلا وسهـلا
ماضبى الجرش والكوده تقود الجواميـس
يـا عيـون المكـلا قـول حاشـا وكـلا
بانشلش علوجه قبـل يوخـذش باتيـس
واعرف ان صاحب الدكوه وقفلش بمحـلا
بو حسن قده من سابق يـدق النواقيـس
هو نسيبي وجـاري ومشكلـه لـو تـولا
خاف يرمي سميره في الحفا والتضاريـس
ينتقـم منهـا فـي عهـد مـاضـي وولا
يوم كانت غشيمـه غازلوهـا المتاعيـس
خافها اليوم تابت عرفـت الـرب الاعـلا
عودت لي شريفه ماتشط فـي الخنافيـس
************
جواب الشاعره المؤهوبه عيون المكـلا
************
مرحبـا بالـذي افـرح وسـدد وابـلـى
بالحسن مثل اصحاب الشرف والنواميـس
بـاح بالشعـر مقصـوده بشعـره تجـلا
رص كلمات مصدرها بطـون القواميـس
نـور الحـي بقدومـه وشعـره تـغـلا
بيننا وانتشر عبقه كمـا عطـر باريـس
وانتقـل فـي دهاليـز المـكـلا وظــلا
وسط حلا وتارك شرجنـا دون تأسيـس
حال اهـل المكـلا زيـن يسعـد ويسـلا
قلـب شاعـر اذا دقـات قلبـه نواقيـس
الهجـوم الـذي منـه ضحأيـا واشــلا
قام بـه انتحـاري بعـد كذبـه وتدليـس
كم مصوب مـن الهجمـه وكميـن قتـلا
من تواطي ضعيف النفس هو والجواسيس
في السقيفـه احتـارت ماعيـون المكـلا
بين راهب يحاول كسب ود الـف قسيـس
بسألك كيف من فكره نبـض واضمحلـى
هـل تعـده معلـم باستطاعتـه تدريـس
ون حصل ماحصل نبقى صداقـه وزمـلاء
نخدم الفكر والكلمة ومن غيـر تسيـس.
*********
جواب الشاعر طالب باتيس ابوراضـي
***********
مرحباء بالقوافـي الـف حيـاء وسهـلا
قل يسلم يوضح وايش خلـف الكواليـس
المحبـه بليـه وايـش ذي جـاك تبـلا
من عشق في الغواني بات نومه كوابيـس
كنت في العشق عاشق عشق عنتر لعبـلا
للغناء والطـرب ملقـي ثلاثـه قنابيـس
كنت قانص عزير الصيد في شعب محـلا
وانت تشهد على ذالك ودلالـك ارويـس
لكـن الوقـت عيفـه وقتـنـاء راح ولا
عشقة الناس في الدولار لو شي في الكيس
من لقاء له وكالـه فـي المكـلا ووكـلا
يابجونه من البقرين والشـرج والديـس
والحذر تحسـب انـي عاشـق ام المكـلا
تـرك الشـك يايسلـم وكثرالوساويـس
شف بنات المكـلا مـن عشقهـن تبـلا
رد علوجه وانا برجع الى صـاط باتيـس
ماعيـون المكـلا صيتهـا صيـت يعـلا
من عشقها ضوى محبوس بين المحابيس
زوجوهـا فـي السابـق لمـولا المعـلا
عطروها بعطر الفل مـن صنـع باريـس
كـن ياللاسـف روّح ومنـهـا تـخـلا
جالها ولد بن علـوان شيطـان وابليـس
قبلة العقـد ماتلتـام فـي الغشـم هبـلا
لكن اللوام بايضوي على الشيـخ باقيـس
***********
جواب الشاعر الكبيـر جمـال العطـاس
***********
شفت ( يسلم ) تنشّد عن حـوال المكـلا
ماقرأ ذي كتبنا فـي بطـون الكراريـس
ماتنشّـد علـى ماصـار وسـط المعـلاّ
ماثبت كل من قد .. كان خلف المتاريـس
جاهـم اللـي قمرهـم بالكـلام المحـلّـى
وأعلنوا عِرسُهم بالطبل هو والمراويـس
زوّجوه البنيّـة ( هنـد ) ساعـة تولّـى
زوّجوها وقدها اليوم في عصمـة أبليـس
وأصبحت بنتهم ماليـوم ياخـوي حبلـى
مايفيـد البكـاء ماليـوم وإلاّ التناهيـس
لو تجرّأ أحـد منهـم .. إذا قـال لـه لا
سلّط الوغد له عربـان تشبعـه تدعيـس
مامع أهلها حيلـة سـوى الصبـر أولـى
عل من بعد ذاك الصبر فرجـه وتنفيـس
**********
جواب الاخ الشاعرالكبير رعد حضرموت
**********
خاضهـا تجربـه مابـيـن ايــوه والا
قيسوا نظمكم حسـب النطـم والمقاييـس
دبـوس باليمنـى وباليـسـرى مـسـلا
باتصافح وفـي يـدك تشـل الدباببيـس
شفت غيم السحب علـى السقيفـه تـدلا
يامزارع حصادك حسب نـوع التغاريـس
هب شرقي وغثيـك عـن سبالـه تخـلا
موقع الغيت ترصده البـداوه بالتخاريـس
المحطـات نسمـع فـي الجزيـره تجـلا
ليت تبعد مسارك عن وعور التضاريـس
شل حمله وهـو طامـح وبالقلـب امـلا
بعد كل التعـب عـاد الحصيلـه تناهيـس
يا اّمل الخير يـوم الخيـر يحتـاج بـذلا
من بخل مابذل في المال بايجيـه تفليـس
البشرمكرهـم عالخيـر دايــم تعـتـلا
والسبب قلة الحيلـه وكثـر الوساويـس
__________________


عسى ان تنال اعجابكم ولكم الشكر
أرجو التثبيت
بن غانم